🫥 Bugun Termiz davlat universiteti O‘zbek adabiyotshunosligi kafedrasi huzuridagi matnshunoslik va adabiy manbashunoslik mutaxassisligi magistratura talabalari Imom Termiziy xalqaro ilmiy-tadqiqot markazining kutubxona fondi bilan yaqindan tanishdilar.
📖 Uchrashuv davomida talabalarga Markazning katta ilmiy xodimi Jo‘rabek Cho‘tmatov tomonidan kutubxona fondida saqlanayotgan noyob toshbosma hamda qadimiy qo‘lyozma asarlar, ularning ilmiy ahamiyati va bugungi kundagi o‘rni haqida batafsil ma’lumot berildi.
Shuningdek, ishtirokchilar qo‘lyozmalarni saqlash, o‘rganish va tadqiq etish jarayonlari bilan ham yaqindan tanishish imkoniga ega bo‘ldilar.
Tadbir yakunida talabalar o‘zlarini qiziqtirgan savollarga mutaxassisdan atroflicha javob oldilar.
