Termiz davlat universitetida O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiyasi raisi, professor Axmadbek Tadjiyevich Yusupov bilan uchrashuv bo‘lib o‘tdi.
Uchrashuvda universitet rahbariyati, ilmiy kengash vakillari hamda doktorant va mustaqil izlanuvchilar ishtirok etdi. Muloqot davomida oliy malakali ilmiy kadrlar tayyorlash tizimini takomillashtirish, dissertatsiya tadqiqotlari sifatini oshirish hamda yosh tadqiqotchilarni qo‘llab-quvvatlash masalalari muhokama qilindi.
Shuningdek, dissertatsiya himoyasi bo‘yicha so‘nggi me’yoriy talablar, ilmiy faoliyatdagi raqamlashtirish jarayonlari va xalqaro ilmiy hamkorlikni kengaytirish yuzasidan tavsiyalar berildi.
