Termiz davlat universiteti Xorijiy filologiya fakultetida shoira, ayol qalbining kuychisi — Zulfiyaxonim tavalludining 111 yilligiga bag‘ishlab “Hur o‘lkamning malikalari” shiori ostida talaba-qizlar o‘rtasida “BALLI QIZLAR” tanlovi tashkil etildi.
Tadbirda universitet Xotin-qizlar kengashi raisi hamda viloyat “Buvijonlar maktabi” raisi va maktab a’zolari ishtirok etishdi. Mehmonlar tomonidan bildirilgan samimiy tilaklar va qimmatli maslahatlar tadbirga alohida fayz bag‘ishladi.
Tanlov davomida ishtirokchi qizlar o‘zlarining nafaqat go‘zalligi, balki zakovati, ijodkorligi, pazandalik mahorati va sahna madaniyatini ham namoyon etdilar. Har bir chiqish tomoshabinlar qalbida iliq taassurot qoldirdi. Tanlov so‘nggida faol ishtirokchilar munosib taqdirlandilar.
