Prezident Shavkat Mirziyoyev tomonidan yoshlar bilan ochiq muloqotda ilgari surilgan tashabbus – har payshanba “Yoshlar kuni”ni o‘tkazish an’anasi bugun Termiz davlat universitetida ham ko‘tarinki ruhda boshlandi.
Bugun TerDU hududi – shunchaki ta’lim maskani emas, balki sport, ijod va shijoat maydoniga aylandi! Sport maydonlarida: Talabalar o‘rtasida futbol, voleybol va basketbol musobaqalari qizg‘in bahslar ostida davom etmoqda. Har bir o‘yin – bu jamoaviylik, iroda va g‘alabaga intilish demakdir.
Kechqurun esa haqiqiy bayram kayfiyati: Osh chempionati, Pazandalik tanlovi; Rang-barang shou dasturlar Bundan tashqari: Ijodiy ko‘rgazmalar, she’riyat kechalari, musiqiy chiqishlar va interaktiv viktorinalar ham tashkil etiladi.
“Yoshlar kuni” – bu shunchaki tadbir emas. Bu – o‘zini namoyon qilish, yangi do‘stlar orttirish, g‘oya va tashabbuslarni ro‘yobga chiqarish maydoni.
