Termiz davlat universiteti talaba-yoshlari o‘rtasida “Ekstremistik va radikal g‘oyalarning huquqiy xavfi” mavzusida huquqbuzarliklar profilaktikasiga oid tadbir tashkil etildi.
🟢Unda Surxondaryo viloyati IIB Terrorizmga qarshi kurashish boshqarmasi masʼul xodimi hamda Imom Termiziy xalqaro ilmiy tadqiqot markazi bo’lim boshlig‘i ishtirok etib, talabalarga mavzuga oid batafsil ma’lumotlar hamda muhim tavsiyalar berishdi.
🟢Mutaxassislar radikal oqimlar yoshlarning ongini egallash uchun asosan ijtimoiy tarmoqlar, soxta diniy sahifalar va anonim kanallardan foydalanayotganini ta’kidlab, har qanday shubhali axborotga tanqidiy yondashish, ishonchli manbalarga tayanish va huquqiy savodxonlikni oshirish muhimligini qayd etdilar.
🟢Shuningdek internet tarmog‘i orqali “Oson daromad” va’dasi bilan yoshlarni noqonuniy faoliyatga jalb qilish holatlari, bunday jinoyatlar uchun belgilangan javobgarlik choralari haqida ham batafsil ma’lumot berildi.
🟢Mutasaddilar, ichki ishlar xodimlari, professor-o‘qituvchilar va talabalar ishtirokidagi mazkur tadbir yoshlarni ogoh bo‘lishga, sog‘lom turmush tarzini tanlashga hamda zararli oqimlarga qarshi hushyorlikni kuchaytirishga chorlovchi muhim ma’rifiy maydon bo‘lib xizmat qildi.
