Termiz davlat universiteti hamda Salento universiteti o‘rtasidagi strategik hamkorlik 2024-yildan boshlab izchil rivojlanib, bugungi kunda yanada kengaymoqda.
Asosiy voqealar:
11.03.2024 — TerDU rektori A.Toshqulov Italiyaning Salento universiteti rahbari, professor Fabio Pollice boshchiligidagi delegatsiyani qabul qildi. Uchrashuv davomida ikki tomonlama aloqalarni rivojlantirish, qo‘shma ta’lim dasturlari, ilmiy va arxeologik tadqiqotlarni amalga oshirish masalalari muhokama qilindi. Shu kuni hamkorlik memorandumi imzolandi.
16.09.2024 — Qo‘shma ta’lim dasturi doirasida hamkorlik yanada kengaymoqda. O‘zbekiston–Italiya ta’lim forumida arxeobotanika va arxeozoologiya mutaxassisliklari bo‘yicha magistratura bosqichida “1+1” qo‘shma ta’lim dasturini tashkil etish bo‘yicha muzokaralar olib borildi.
25.09.2024 — O‘zbekiston–Italiya ta’lim forumida Italiyaning 25 ga yaqin universiteti va mamlakatimizning 40 dan ortiq yetakchi oliygohlari ishtirok etib, Termiz davlat universiteti va Salento universiteti rahbariyati bilan yana bir memorandum imzolandi.
Ayni damda Rim shahrida bo‘lib o‘tayotgan O‘zbekiston–Italiya rektorlari ikkinchi forumi esa, hamkorlikning amaliy bosqichiga o‘tishini ta’minladi.
