Termiz davlat universiteti Yuridik fakulteti Davlat va huquq asoslari kafedrasi katta o‘qituvchisi tomonidan “Sotsiologik tadqiqotlar metodologiyasi va texnikasi” fanidan navbatdagi sayyor dars tashkil etildi.
Mashg‘ulot O‘zbekiston pochtasi AJ Surxondaryo filialida “Pochta va telefon orqali so‘rov o‘tkazish” mavzusida o‘tkazildi.
Dars nazariy bilimlarni amaliyot bilan uyg‘unlashtirgan holda olib borildi. Talabalar pochta va telefon orqali so‘rov o‘tkazish jarayoni, respondentlar bilan muloqot madaniyati, ma’lumotlarni to‘plash va tahlil qilish usullari bilan yaqindan tanishdilar.
Tadbirda filial direktori ham ishtirok etib, sohadagi amaliy tajriba va ish jarayonlari haqida atroflicha ma’lumot berdi.
Bunday sayyor darslar talabalarning kasbiy ko‘nikmalarini mustahkamlash, nazariy bilimlarni amaliyotda qo‘llash va kelgusida malakali mutaxassis bo‘lib shakllanishida muhim ahamiyat kasb etadi.
