2026-yil fevral–mart oylarida oliy ta’lim muassasalarida “Jaholatga qarshi ma’rifat bilan kurash!” hamda “Inson qadri va huquqlarining ustuvorligi — taraqqiyot poydevori” mavzularida uchrashuvlar tashkil etilmoqda.
Navbatdagi tadbir Termiz davlat universitetida bo‘lib o‘tdi. Uchrashuvda Imom Termiziy xalqaro ilmiy-tadqiqot markazi direktori hamda viloyat IIB Tezkor qidiruv xizmati Terrorizmga qarshi kurashish boshqarmasi mutaxassislari ishtirok etib, professor-o‘qituvchilar va talabalarga dolzarb mavzular yuzasidan ma’ruza qildilar.
So‘zga chiqqanlar bugungi kunda yoshlarni turli yot g‘oyalar ta’siridan asrash, ularni hushyor va ogoh bo‘lishga chaqirish, qonunlarga hurmat va inson qadri eng oliy qadriyat ekanini ta’kidladilar.
Tadbir davomida talabalar o‘zlarini qiziqtirgan savollarga javob oldilar.
