Universitetda 2025 yil yakuni bo‘yicha pedagog xodimlar faoliyati samaradorligi (KPI) natijalari tahlil qilindi. Ko‘rsatkichlar fakultet, kafedra va professor-o‘qituvchilar kesimida ko‘rib chiqildi.
Ilmiy faollik, Scopus maqolalar, grantlar va o‘quv-metodik ishlar bo‘yicha o‘sish qayd etildi. Shu bilan birga, ayrim yo‘nalishlarda faollikni oshirish zarurligi ta’kidlandi.
Yig‘ilishda rag‘batlantirish mezonlari tushuntirildi va yuqori natija ko‘rsatgan xodimlarni qo‘llab-quvvatlash mexanizmlari belgilab berildi.
Shuningdek, rektor tomonidan viloyat ijtimoiy-ma’naviy muhitini yaxshilashga qaratilgan 5 ta ustuvor yo‘nalish bo‘yicha ilmiy tadqiqot grantlari e’lon qilindi.
Rektor o‘z murojaatida ta’lim sifati, akademik halollik, xalqaro faollik va aniq natijaga yo‘naltirilgan ish tamoyili ustuvor vazifa ekanini ta’kidladi.
2026 yil – TerDUda “O‘zgarishlar yili” etib belgilandi.
