Buyuk shoh va shoir, yirik davlat arbobi — Zahiriddin Muhammad Bobur tavalludining 543 yilligi munosabati bilan Termiz davlat universiteti fakultetlarida ma’naviy-ma’rifiy tadbirlar ko‘tarinki ruhda o‘tkazilmoqda.
Jumladan, Tabiiy fanlar va “Milliy tiklanish” demokratik partiyasi Surxondaryo viloyat Kengashi tashabbusi hamda Xorijiy filologiya fakultetlarida tashkil etilgan “Bobur merosi — millat iftixori” mavzusidagi tadbirlarda talaba-yoshlar buyuk ajdodimiz ijodidan g‘azal va ruboiylar o‘qib, sahna ko‘rinishlari, kuy-qo‘shiqlar hamda raqs chiqishlarini namoyish etdilar.
Tadbirlar davomida Bobur ijodining yuksak badiiyati, uning boy ma’naviy merosi va milliy davlatchiligimiz tarixidagi o‘rni keng targ‘ib qilinib, yoshlarda milliy g‘urur, vatanparvarlik va ajdodlar merosiga hurmat tuyg‘usi yanada mustahkamlandi.
Darhaqiqat, Bobur merosi — millatimizning bebaho xazinasi, kelajak avlodlar uchun esa yorqin ma’naviy mash’aldir.
TerDU jamoasi tomonidan o‘tkazilayotgan bunday tadbirlar yoshlarni ma’naviy yetuk, tarixini chuqur anglaydigan va ajdodlariga munosib avlod bo‘lib kamol topishida muhim ahamiyat kasb etadi
