Bugun Termiz davlat universiteti, Imom Termiziy nomidagi islom instituti, hamda Imom Termiziy xalqaro ilmiy-tadqiqot markazi hamkorligida O‘zbekiston Respublikasi Prezidenti Sh.M.Mirziyoyevning 2025-yil 26-dekabrdagi Oliy Majlis va O‘zbekiston xalqiga yo‘llagan Murojaatnomasida belgilangan ustuvor vazifalarga bag‘ishlangan “Milliy yuksalishning yangi O‘zbekiston modeli” maxsus kursi doirasida o‘quv mashg‘ulot tadbir bo‘lib o‘tdi.
Mazkur tadbirda Termiz davlat universiteti rektori, Imom Termiziy nomidagi islom instituti rektori hamda Imom Termiziy xalqaro ilmiy-tadqiqot markazi direktori, shuningdek, ta’lim muassasalari o‘qituvchilari va talabalari ishtirok etdilar.
Tadbir davomida A.Toshqulov yoshlarni zamonaviy bilim va kasblarga yo‘naltirish, raqobatbardosh kadrlar tayyorlash borasida amalga oshirilayotgan keng ko‘lamli islohotlar xususida to‘xtalib, islom moliyasi, ichki bozorda talabni rag‘batlantirish mavzularida tahliliy ma’ruza qildi.
Tadbir yakunida mavzu yuzasidan savol-javoblar o‘tkazilib, ishtirokchilar tomonidan fikr-mulohazalar bildirildi.
