Oliy ta’lim, fan va innovatsiyalar vazirligi mas’ul xodimlaridan iborat Respublika ishchi guruhi a’zolari - X. Eshov, J. Musayev va S. Safoyev Surxondaryo viloyatida bo‘lib turishibdi.
Ishchi guruh O‘zbekiston Respublikasi Prezidentining 2026-yil 5-yanvardagi: — PQ-1-sonli “Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi; — PQ-2-sonli “Respublika mahallalarida jinoyatchilikning barvaqt profilaktikasi samaradorligini yanada oshirish bo‘yicha tashkiliy chora-tadbirlar to‘g‘risida”gi qarorlari ijrosi doirasida viloyatdagi oliy ta’lim muassasalarida olib borilayotgan ishlar bilan tanishmoqda.
Termiz davlat universitetida o‘tkazilgan yig‘ilishda viloyatdagi barcha oliy ta’lim tashkilotlarining ilmiy ishlar va innovatsiyalar bo‘yicha prorektorlari, yoshlar bilan ishlash, ma’naviyat va ma’rifat bo‘limi boshliqlari, profilaktika inspektorlari hamda yoshlar yetakchilari ishtirok etdilar.
Yig‘ilish davomida o‘rganish natijalari atroflicha tahlil qilinib, belgilangan topshiriqlar ijrosini ta’minlash yuzasidan aniq vazifalar belgilab olindi.
