🟢Alisher Navoiy tavalludining 585 yilligi munosabati bilan Termiz davlat universitetida qator ma’naviy-ma’rifiy tadbirlar tashkil etildi.
🟢 O‘zbek filologiyasi fakulteti professor-o‘qituvchilari va talabalari ishtirokida “Yoshlar markazi”da adabiy-badiiy kecha bo‘lib o‘tdi. Navoiyshunos olimlar tomonidan shoir ijodi haqida ilmiy ma’lumotlar berildi, talabalar esa “Xamsa” asari asosida sahna ko‘rinishlarini namoyish etdilar.
🟢Axborot texnologiyalari fakultetida o‘tkazilgan tadbirda Alisher Navoiyning hayoti, ijodi va turkiy adabiyot taraqqiyotidagi beqiyos o‘rni haqida fikrlar bildirildi.
🟢 Kimyo fakultetida “So‘z mulkining boqiy sultoni — Mir Alisher Navoiy” mavzusida tadbir tashkil etilib, shoir asarlaridan namunalar o‘qildi, g‘azal va ruboiylar ijro etildi. Tadbir yakunida faol va yutuqlarga erishgan talabalar taqdirlandi.
🟢 Shuningdek, “Navoiy asarlari bilimdoni” nomli ma’naviy-ilmiy tadbir o‘tkazilib, faol ishtirok etgan talabalarga badiiy kitoblar sovg‘a qilindi.
🟢 Bu kabi tadbirlar yoshlar qalbida mumtoz adabiyotga mehr uyg‘otib, ularning ma’naviy kamolotiga xizmat qilmoqda.
