9-fevral kuni buyuk mutafakkir, so‘z mulkining sultoni Alisher Navoiy tavalludining 585 yilligi munosabati bilan viloyat markazidagi Alisher Navoiy haykali poyida ma’naviy-ma’rifiy tadbir bo‘lib o‘tdi.
Unda viloyat hokimligi, oliy ta’lim muassasalari, turli tashkilotlar vakillari bilan birga viloyat ijod ahli hamda talaba-yoshlar ishtirok etdi. Marosim davomida Navoiyning g‘azallari va hikmatli satrlari yangrab, uning xalqimiz ma’naviy hayotidagi beqiyos o‘rni yana bir bor e’tirof etildi.
Tadbirda Termiz davlat universiteti rektori ham so‘zga chiqib, Alisher Navoiy ijodi va shaxsiyatining yoshlar tarbiyasidagi ahamiyati haqida fikr bildirdi.
Ushbu tadbir buyuk ajdodimiz xotirasini ulug‘lash, ijod ahli va yosh avlodni birlashtirishga xizmat qildi.
