🟢Buyuk mutafakkir, so‘z mulkining sultoni Alisher Navoiy tavalludining 585-yilligi munosabati bilan Termiz davlat universitetining barcha fakultetlarida ma’naviy-ma’rifiy ruhdagi turli tadbirlar, tanlov va musobaqalar o‘tkazilmoqda.
🟢O‘zbek filologiyasi fakultetida insholar tanlovi tashkil etildi. Tanlov yoshlar orasida kitobxonlik madaniyatini oshirish va Navoiy merosini keng targ‘ib etishga xizmat qildi.
🟢Fizika-matematika fakultetida jamoaviy test musobaqasi bo‘lib o‘tdi. Unda talabalar bilim, jamoaviylik va tezkor fikrlash borasida o‘z salohiyatlarini namoyon etdilar.
🟢Tarix hamda ijtimoiy fanlar fakultetlarida ma’naviy-ma’rifiy tadbir o‘tkazilib, unda Alisher Navoiyning o‘lmas ijodiy merosi, o‘zbek adabiyoti va milliy ma’naviyatimiz taraqqiyotidagi beqiyos o‘rni haqida atroflicha so‘z yuritildi. Tadbir davomida g‘azal va ruboiylar ifodali o‘qildi, sahna ko‘rinishlari va badiiy chiqishlar namoyish etildi.
🟢Ushbu tadbirlar yoshlar orasida kitobxonlik madaniyatini yuksaltirish, milliy qadriyatlarga hurmat ruhini mustahkamlash hamda Alisher Navoiy ijodini keng targ‘ib etishga xizmat qilmoqda.
