Andijon viloyatidagi yopiq sport inshootida yengil atletika bo‘yicha yoshlar (U-19) va kattalar o‘rtasida O‘zbekiston chempionati bo‘lib o‘tmoqda.
Musobaqaning ilk kunidayoq Termiz davlat universiteti Sport faoliyati fakultetida tahsil olayotgan iqtidorli talabalarimiz yuksak mahorat namoyish etib, 3 ta bronza medalini qo‘lga kiritdilar.
Bu natijalar talabalarimizning mehnati, intilishi va sportga bo‘lgan sadoqatining yaqqol ifodasidir. Ular TerDU sharafini respublika miqyosida munosib himoya qilmoqdalar.
Musobaqalar qizg‘in davom etmoqda. Oldinda yanada yuqori natijalar va yangi g‘alabalar bo‘lishiga ishonamiz.
Talabalarimizga keyingi bellashuvlarda omad, mustahkam iroda va yorqin zafarlar tilaymiz!
