O‘zbekiston Respublikasi Prezidenti Administratsiyasi huzuridagi Ta’lim sifatini ta’minlash milliy agentligi tomonidan talaba hamda professor-o‘qituvchilar o‘rtasida o‘tkazilayotgan Umummilliy so‘rovnomada Termiz davlat universiteti talabalari va professor-o‘qituvchilari faol ishtirok etmoqdalar.
Mazkur so‘rovnoma oliy ta’lim tizimida ta’lim sifati, o‘quv jarayonlari samaradorligi hamda mavjud muammolarni aniqlash va ularni bartaraf etishga qaratilgan. TerDU jamoasining ushbu jarayondagi faol ishtiroki ta’lim sifatini oshirishga bo‘lgan mas’uliyatli va faol yondashuvning yaqqol namunasidir.
So‘rovnomada faol qatnashayotgan barcha talaba-yoshlar hamda professor-o‘qituvchilarga samimiy minnatdorlik bildiramiz.
