Termiz shahar 2-sonli akademik litseyida Termiz davlat universiteti professor-o‘qituvchilari ishtirokida “Men kelajakda tanlagan kasbim bo‘yicha O‘zbekistonning faxri bo‘laman” mavzusida ma’naviy-ma’rifiy tadbir tashkil etildi.
Tadbir davomida Termiz davlat universitetining professor-o‘qituvchilari tomonidan mavzu doirasida mazmunli ma’ruzalar qilindi. Jumladan, tarix fanlari doktori, professor S.N. Tursunov hamda universitet professor-o‘qituvchilari kasb tanlashda e’tibor qaratilishi lozim bo‘lgan muhim jihatlar, yoshlarning qiziqishlari va jamiyat ehtiyojlari o‘rtasidagi uyg‘unlik haqida atroflicha fikr bildirdilar.
Shuningdek, tadbir jarayonida akademik litsey o‘quvchilari tomonidan tayyorlangan ma’rifiy chiqishlar namoyish etilib, tadbir interaktiv va mazmunli ruhda o‘tdi.
Tadbir yakunida Termiz davlat universiteti professor-o‘qituvchilari tomonidan 100 tadan ortiq kitob Termiz davlat universitetiga qarashli 2-sonli akademik litsey kutubxonasi fondiga sovg‘a qilindi. Ushbu tashabbus yoshlar o‘rtasida kitobxonlik madaniyatini rivojlantirish hamda bilimga bo‘lgan qiziqishni oshirishga xizmat qilishi ta'kidlandi.
