Oliy ta’lim, fan va innovatsiyalar vazirining tegishli buyrug‘iga muvofiq, Termiz davlat universitetida 2025/2026-o‘quv yili kuzgi semestri yakunlari bo‘yicha attestatsiya jarayonlari 2026-yil 12-yanvardan boshlandi.
Attestatsiya haftaligi 12–24-yanvar kunlari bo‘lib o‘tadi. Unda 8 405 nafar talaba 1 352 ta fan bo‘yicha imtihon topshiradi.
Imtihonlar maxsus jihozlangan auditoriyalarda video va audio kuzatuv ostida, yozma, test, amaliy va og‘zaki shakllarda o‘tkazilmoqda. Baholash jarayonlari xolis professor-o‘qituvchilar tomonidan amalga oshirilmoqda.
Baholashda shaffoflikni ta’minlash maqsadida HEMIS axborot tizimida baholarni kiritishning yangi tartibi joriy etilgan.
Attestatsiya jarayonlari adolat va ochiqlik tamoyillari asosida tashkil etilmoqda.
