Universitetda 2025-yil yakuniga ko‘ra o‘qish muddatini tamomlagan doktorantlar bilan rektor uchrashuvi bo‘lib o‘tdi. Unda doktorantlar, ularning ilmiy rahbarlari hamda mas’ul kafedra mudirlari ishtirok etdi.
📊Ma’lumotlarga ko‘ra, 2025-yil yakunida universitetning oliy ta’limdan keyingi ta’lim ixtisosliklari bo‘yicha jami 45 nafar tayanch doktorant (shundan 6 nafari maqsadli tayanch doktorant) va 2 nafar doktorant o‘qishni muvaffaqiyatli yakunladi.
✔️Yig‘ilish avvalida oliy ta’limdan keyingi ta’lim institutlari faoliyati samaradorligi yuzasidan tahliliy xulosalar taqdim etildi.
Uchrashuv davomida rektor A.Toshqulov himoya jarayoni kechikayotgan tadqiqotchilar bilan bog‘liq muammolarni chuqur o‘rganish, ularga individual yordam ko‘rsatish bo‘yicha mas’ullarga aniq topshiriqlar berdi.
Mazkur uchrashuv ilmiy faoliyat samaradorligini oshirish va yosh olimlarni qo‘llab-quvvatlashda muhim ahamiyat kasb etdi.
