TerDUda qishki ta’til davridan samarali foydalanish maqsadida professor-o‘qituvchilar uchun zamonaviy o‘quv dasturlarini takomillashtirishga bag‘ishlangan seminar-trening tashkil etildi.
Tadbir dunyoning TOP-300 talik universitetlari tajribasi asosida o‘quv dasturlarini maqbullashtirishga qaratildi.
Seminar davomida xorijiy yetakchi OTMlarning ta’lim dasturlari tuzilishi, kredit-modul tizimi, kompetensiyaga yo‘naltirilgan yondashuv hamda zamonaviy pedagogik texnologiyalar bo‘yicha muhim tushunchalar berildi. Ishtirokchilar o‘quv dasturlarini xalqaro talablar asosida yangilash bo‘yicha amaliy tavsiyalar oldilar.
Mazkur seminar ta’lim sifatini oshirish va bitiruvchilarning raqobatbardoshligini ta’minlashga xizmat qilishi bilan ahamiyatlidir.
