Bugungi kunda ingliz tilini o‘qitishda zamonaviy yondashuvlar, xususan, Sun’iy intellekt (AI) imkoniyatlaridan samarali foydalanish dolzarb ahamiyat kasb etmoqda. Shu munosabat bilan Britaniya Kengashi tomonidan tashkil etilgan, ingliz tili o‘qituvchilarini tayyorlash va kasbiy rivojlantirishga qaratilgan xalqaro forumda TerDU professor-o‘qituvchilari ham faol ishtirok etmoqda.
Mazkur tadbir doirasida:
bo‘lajak ingliz tili o‘qituvchilari rivojlantirishi zarur bo‘lgan zamonaviy kasbiy ko‘nikmalar,
ingliz tilini o‘qitish va o‘rganishda sun’iy intellektning o‘rni,
PRESETT mutaxassislari o‘rtasida tajriba almashish va hamkorlikni kuchaytirish masalalari muhokama qilinmoqda.
TerDU professor-o‘qituvchilarining ushbu nufuzli xalqaro tadbirdagi ishtiroki universitetimizning ta’lim sifati, xalqaro hamkorlik va innovatsion yondashuvlarga sodiqligini yana bir bor namoyon etadi.
