Xabaringiz bor, O‘zbekiston xalq yozuvchisi Erkin A’zam tavalludining 75 yilligi tadbirlari doirasida Surxon vohasiga tashrif buyurgan taniqli yozuvchi va shoirlar Termiz davlat universitetida ham bo‘lishdi.
Jarayonda talaba-yoshlarimiz uchun “Bahorni quvib” badiiy filmining premyerasi hamda ijodkorlar bilan samimiy uchrashuv tashkil etildi. Erkin A’zam va film rejissyori Jahongir Qosimov bilan bo‘lgan suhbatlarda filmni suratga olishdagi qiziqarli onlar esga olindi.
Uchrashuv ijodiy atmosfera, ochiq muloqot va o‘ziga xos fikrlar almashinuvi bilan yanada boyidi. Talabalar filmni katta qiziqish bilan tomosha qilishdi.
Shubhasiz, bunday uchrashuvlar yoshlarda adabiyot va san’atga bo‘lgan muhabbatni yanada kuchaytiradi, ijodiy tafakkurni rivojlantiradi.
