Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi tomonidan bir necha yillardan beri muntazam o‘tkazib kelinayotgan “Islohotlar bilimdoni” Respublika ko‘rik-tanlovi ta’lim muassasalari pedagoglari va talabalari uchun muhim ijodiy-ma’rifiy maydonga aylangan.
Quvonch bilan ta’kidlaymizki, ushbu nufuzli tanlovning “Eng yaxshi tyutor” nominatsiyasida Termiz davlat universiteti O‘zbek filologiyasi fakulteti tyutori Nazarov Jamshid Xoliyorovich ishtirok etib, Hakamlar hay’ati tomonidan bir ovozdan ma’qullanib, faxrli 1-o‘rinni qo‘lga kiritdi!
Bu yuksak natija — nafaqat fakultet, balki butun TerDU jamoasi uchun katta faxr va g‘ururdir. Jamshid Xoliyorovichning yoshlar bilan ishlashdagi namunali tajribasi, fidoyiligi, tashabbuskorligi va mas’uliyatli mehnati munosib e’tirof etildi.
TerDU jamoasi nomidan Jamshid Nazarovni chin dildan tabriklaymiz!
