Termiz davlat universitetida rus xalqining boy madaniy merosi va ijodiy an’analariga bag‘ishlangan ma’naviy-ma’rifiy tadbir bo‘lib o‘tdi.
Tadbirning faxriy mehmoni — Rus madaniyat markazi raisi Nina Aleksandrovna Fedorova ishtirokchilarga o‘zining qimmatli fikrlari, boy tajribasi hamda madaniy merosga oid qiziqarli ma’lumotlari bilan o‘rtoqlashdi.
Mazkur uchrashuv o‘quvchi-yoshlarda turli xalqlarga hurmat, madaniy bag‘rikenglik, do‘stlik, san’at va ijodga muhabbat kabi fazilatlarni yanada mustahkamlashga xizmat qildi.
Tadbir ishtirokchilarda ijobiy taassurot qoldirib, millatlararo do‘stlik va ma’naviy hamjihatlik g‘oyalarini chuqurlashtirdi.
