Bugun Termiz davlat universiteti yuridik fakulteti hamda tarix fakulteti talabalari ishtirokida Oʻzbekiston Respublikasi Davlat bayrogʻi qabul qilinganining 34 yilligi munosabati bilan “Bir vatan — bir el — bir bayroq” shiori ostida tantanali bayram tadbiri oʻtkazildi.
Tadbirda Surxandaryo viloyat prokuraturasi vakillari, universitetning professor-oʻqituvchilari, faol talabalar ishtirok etishdi. Bayramona ruhda oʻtgan tadbirda Oʻzbekiston Respublikasi Davlat bayrogʻining yaratilish tarixi, undagi ranglar va ramzlarning maʼnosi, shuningdek, uning davlat suverenitetini ifodalovchi muqaddas belgi sifatidagi oʻrni haqida soʻz yuritildi.
Soʻzga chiqqanlar bayroq — bu millatning gʻururi, Vatan mustaqilligining timsoli, el-yurt birligining ramzi ekanligini taʼkidlab oʻtishdi. Yoshlar esa oʻz chiqishlarida Davlat bayrogʻiga boʻlgan cheksiz hurmat, faxr va sadoqat tuygʻularini ifoda etishdi.
