Bugungi kunda Termiz davlat universitetida 18 ming nafarga yaqin talaba tahsil olmoqda. Ularning zamonaviy bilim olishi, keng dunyoqarashga ega bo‘lishi va xalqaro maydonga chiqishi uchun universitetda barcha sharoitlar yaratilgan.
ERASMUS+ va boshqa xalqaro qo‘shma ta’lim dasturlari talabalarimizga xorijiy universitetlar bilan integratsiya qilish, tajriba almashish va chet elda o‘qish imkoniyatini bermoqda.
TerDU professor-o‘qituvchilarining muntazam ravishda chet el stajirovkalarida ishtirok etayotgani esa o‘quv jarayoniga ilg‘or tajribalar kirib kelishiga, talabalarimizning xalqaro darajadagi bilim va ko‘nikmalarga ega bo‘lishiga xizmat qilmoqda.
Xalqaro talabalar kuni munosabati bilan barcha TerDU talabalarini samimiy tabriklaymiz! Yangi marralar, katta yutuqlar va porloq kelajak sizlarga yor bo‘lsin!
