TerDUda Surxondaryo viloyati Favqulodda vaziyatlar boshqarmasi boshlig‘i o‘rinbosari mas’ulligida tashkil etilgan profilaktik tadbirda dastlab, fakultet tyutorlariga xavfsizlik choralariga oid ko‘rsatmalar berildi. Shundan so‘ng ularga biriktirilgan xodimlar fakultetlar kesimida ijara xonadonlarini o‘rganishga chiqishdi.
Tadbir davomida xonadonlarda yong‘in xavfsizligi, is gazidan himoyalanish, elektr va isitish moslamalaridan to‘g‘ri foydalanish bo‘yicha amaliy tushuntirishlar o‘tkazildi.
Ushbu sa’y-harakatlar talabalar hayot faoliyatini xavfsiz muhitda tashkil etish, favqulodda holatlarning oldini olish, shuningdek mas’ul xodimlar va tyutorlar o‘rtasida uzviy hamkorlikni yanada kuchaytirishga xizmat qilmoqda.
