Tadbirga “Kelajak bunyodkori” davlat mukofoti sohibasi, tadbirkor Hakimjonova Sitora mehmon sifatida tashrif buyurdi.
Uchrashuv davomida Sitora o‘zining tadbirkorlik yo‘lidagi ilk qadamlari, mehnat jarayonlari, duch kelgan qiyinchiliklar va ulardan chiqargan xulosalari xususida hayotiy misollar asosida so‘zlab berdi.
Shuningdek, talaba-qizlarga quyidagi yo‘nalishlarda muhim tavsiyalar berdi:
Vaqtni to‘g‘ri taqsimlash;
Maqsad qo‘yish va unga erishish bosqichlari;
O‘z imkoniyatlarini to‘g‘ri baholash;
Biznes g‘oyani shakllantirish;
Mehmonning ta’kidlashicha:
“Inson o‘zi istagan yo‘nalishda rivojlanishi uchun matonat, qat’iyat va eng muhimi — o‘ziga bo‘lgan ishonch zarur.”
Uchrashuv talaba-qizlarda o‘z ustida ishlash, tashabbus ko‘rsatish va hayotda aniq maqsad bilan harakat qilishga bo‘lgan ichki motivatsiyani yanada mustahkamladi.
