А.Toshqulov Xitoy Shimoli-g‘arbiy universiteti Madaniy meros maktabi direktori, Shinjon Madaniy meros boshqarmasi direktor o‘rinbosari hamda Shinjon Arxeologiya ilmiy-tadqiqot instituti direktorini qabul qildi.
Muloqotlarda tomonlar arxeologiya va madaniy meros sohasidagi ikki tomonlama hamkorlikni yanada rivojlantirish, ilmiy tadqiqotlarni kengaytirish hamda talabalarning amaliy tayyorgarligini kuchaytirish masalalarini muhokama qildilar.
Muhokama jarayonida quyidagi yo‘nalishlarda kelishuvlarga erishildi:
Hamkorlikni mustahkamlash — Shinjon Madaniy meros boshqarmasi va Termiz davlat universiteti o‘rtasida ilmiy va o‘quv sohalarida hamkorlik o‘rnatish;
Arxeologiya laboratoriyasini rivojlantirish — mavjud laboratoriyani zamonaviy texnologiyalar bilan jihozlash va kengaytirish;
Raqamli arxeologiya bo‘yicha 3D studiya tashkil etish — arxeologik topilmalar va yodgorliklarning virtual modellarini yaratish, keyingi bosqichda virtual muzey va e-turizm platformasini shakllantirish;
Geoarxeologiya yo‘nalishidagi tadqiqotlar — atrof-muhit, tuproq va geotadqiqotlar asosida ilmiy baza yaratish hamda mahalliy mutaxassislarni tayyorlash;
Qo‘shma ko‘rgazma zali — Termiz davlat universiteti va Shimoli-g‘arbiy universitet hamkorligida olib borilgan tadqiqot natijalarini namoyish etuvchi ko‘rgazma zali tashkil etish;
Xalqaro arxeologiya maktabi — O‘zbekiston va xorijiy arxeologlar ishtirokida xalqaro seminar va o‘quv dasturlarini yo‘lga qo‘yish.
