Oliy taʼlim, fan va innovatsiyalar vazirligining 2025-yil 29-avgustdagi 4/61-32/21-sonli xati hamda Termiz davlat universiteti rektorining tegishli buyrug‘i ijrosini ta’minlash maqsadida TerDU xotin-qizlar kengashi raisi, xorijiy filologiya fakulteti xotin-qizlar masalalari bo‘yicha dekan maslahatchisi va tyutorlar tomonidan talaba qizlarning ijara manzillari o‘rganildi.
O‘rganish jarayonida talabalar istiqomat qilayotgan xonadonlarda kuz-qish mavsumida xavfsizlik qoidalariga rioya etish, is gazidan zaharlanishning oldini olish, isitish asboblaridan to‘g‘ri foydalanish masalalariga alohida e’tibor qaratildi.
Shuningdek, talabalarga maishiy xavfsizlik, sog‘lom turmush tarzi va psixologik barqarorlikni ta’minlash bo‘yicha tushuntirishlar berildi. Bu kabi o‘rganishlar yoshlarning xavfsizligi, xotin-qizlar o‘rtasida ogohlikni oshirish va ijtimoiy himoyani kuchaytirishga xizmat qiladi.
