Mana bir necha yildirki yurtimizdagi barcha Oliy ta’lim tashkilotlari talaba–yoshlarini kitob mutolaasiga keng jalb etish, badiiy savodxonlik darajasini oshirish orqali ularni vatanparvarlik va yurtimiz kelajagiga nisbatan daxldorlik ruhida tarbiyalashga qaratilgan “Ma’rifat ulashib” loyihasi amalga oshirib kelinmoqda.
Xabaringiz bor bugun shahrimizdagi muhtasham San’at saroyida TerDU talabalari yurtimizning taniqli ijod ahli vakillari bilan uchrashishdi.
Samimiy muloqotlarda O‘zbek adabiyotida voha maktabining o‘ziga xos jihatlari, xususida to‘xtalgan O‘zbekiston xalq shoiri, "Mehnat shuhrati", "El-yurt hurmati" ordenlari sohibi, senator Mahmud Toir, serqirra ijodkorlar Ne’mat Dushayev, Zohidjon Xolov o‘z ijod maxsuli bilan bo‘lishishdi. Mushoira kechasi ko‘rinishini olgan tadbirda, yosh qalamkashlar ham iste’dodlarini namoyon etdilar.
Bir so‘z bilan aytganda "Ma’rifat ulashib" loyihasi TerDU talaba-yoshlariga ijodiy muhit in’om etganligi bilan esda qolarli bo‘ldi.
