“INNOWOMENWEEK-2025” — ixtirochi ayollarning innovatsion haftaligi TerDUda!
Termiz davlat universitetida “INNOWOMENWEEK-2025” ixtirochi ayollarning innovatsion haftaligi doirasida olima ayollar ishtirokida ilmiy-amaliy tadbir bo‘lib o‘tdi. Tadbirda shahar hokimligi vakillari, universitet rahbariyati hamda faol olima ayollar qatnashdilar.
Ilmiy-amaliy uchrashuv davomida olimalar o‘z tadqiqot ishlari, innovatsion loyihalari va ilmiy izlanishlari natijalari bilan o‘rtoqlashdilar. Ularning ilm-fan va innovatsiyalar sohasidagi yutuqlari yuqori baholandi.
Tadbir yakunida bir guruh olima ayollar ilmiy faoliyatdagi yutuqlari uchun diplom va esdalik sovg‘alari bilan taqdirlandilar.
Shuningdek, talabalar tomonidan “Mohir qo‘llar” nomli ijodiy ko‘rgazma tashkil etildi. Ko‘rgazmada talabalarning qo‘l mehnati bilan yaratilgan turli hunarmandchilik va ijodiy ishlar namoyish etilib, mehmonlarda katta taassurot qoldirdi.
Tadbir ayollarimizning ilm-fan, innovatsiya va ijod sohalaridagi faol ishtirokini yana bir bor namoyon etdi.
