Talaba-yoshlarining bo'sh vaqtini mazmunli tashkil etishga qaratilgan navbatdagi tadbir manzili Surxondaryo viloyat qo‘g‘irchoq teatri boʼldi.
Talabalarimiz viloyat qo‘g‘irchoq teatri jamoasi tomonidan sahnalashtirilgan “Firibgar” nomli spektaklni tomosha qilishdi.
Unda bugungi kun hayotidagi dolzarb muammolar mahorat bilan yoritildi. Asarda mehnat qilmasdan oson yo‘l bilan boylik orttirishga uringan insonlarning adashishlari, kech bo‘lsa-da to‘g‘ri yo‘lni anglab yetishlari badiiy tarzda ifoda etildi.
Ushbu teatr tomoshasi talabalarda katta taassurot uyg‘otib, ularni hayotda to‘g‘rilik, mehnatsevarlik va halollikka da’vat etdi.
