Surxondaryo viloyatida ilk bor tashkil etilgan “Bilimdon ustoz – 2025” viloyat olimpiadasi yuksak saviyada yakunlandi.
Olimpiadaning FIZIKA yo‘nalishi boʼyicha barcha faxrli oʼrinlarini Termiz davlat universiteti magistaranti va faxriy bitiruvchilari qoʼlga kiritishdi.
1-o‘rin – Abbos Boltayev, Termiz tumani 14-maktab o‘qituvchisi, TERDU magistiranti – unga ramziy ravishda ilm va mehnatning tantanasi bo‘lgan “Damas” avtomobili topshirildi!
2-o‘rin – Ravshan Mamadaliyev, Jarqo‘rg‘on tumani 19-maktab o‘qituvchisi, TERDU bitiruvchisi, unga esa 30 million so‘m mukofot nasib etdi!
3-o‘rin – Elyor Meliboyev, Denov tumanidagi 108-maktab o‘qituvchisi, TERDU bitiruvchisi, u ham o‘z ilmiy mehnati uchun 20 million so‘m bilan taqdirlandi!
Matematika yo‘nalishida ham qator vohamiz faxrli ustozlari g‘oliblikni qo‘lga kiritdi.
Bu yutuq nafaqat bir necha o‘qituvchining, balki butun TERDU ilmiy maktabining tantanasidir!
Bizning ustozlar – bugunning bilimdonlari, kelajakning esa buyuk yaratuvchilaridir.
G‘oliblarni chin yurakdan tabriklaymiz!
