Bugun Termiz davlat universiteti hamda Termiz iqtisodiyot va servis universiteti o‘rtasida ta’lim sohasida hamkorlik memorandumi imzolandi.
Mazkur kelishuv Termiz davlat universiteti rektori Toshqulov Abduqodir Hamidovich hamda Termiz iqtisodiyot va servis universiteti rektori Absamatov Anvar Ergashevich tomonidan imzolandi.
Memorandumning asosiy maqsadi – ikki oliy ta’lim muassasalari o‘rtasida:
-ta’lim va ilmiy faoliyatda tajriba almashish,
-akademik salohiyatni oshirish,
-qo‘shma loyihalar, seminarlar va konferensiyalar tashkil etish,
-ilmiy tadqiqotlar olib borish,
-o‘quv dasturlarini boyitish va professor-o‘qituvchilar hamkorligini kuchaytirishdan iboratdir.
Ushbu hamkorlik ikki universitet uchun ham o‘zaro manfaatli bo‘lib, ta’lim sifati va ilmiy izlanishlarning yangi bosqichga ko‘tarilishiga xizmat qiladi.
