1-oktabr — O‘qituvchi va murabbiylar kuni munosabati bilan Termiz davlat universitetida fayzli dasturxon yozildi.
Bayram tadbiriga oliygohda fidokorona mehnat qilayotgan xo‘jalik xodimlari taklif etilib, ularga yuksak ehtirom ko‘rsatildi.
Tadbirda so‘z olgan rektorimiz barcha jamoa a’zolarini ushbu ayyom bilan tabriklab, universitet kampusidagi obodlik, orastalik hamda fayzu barakada ularning katta xizmatlari borligini alohida ta’kidladi.
Bayram munosabati bilan universitet ishchi-xodimlari pul mukofotlari bilan rag‘batlantirildi. Anʼanaga muvofiq, esdalik sovg‘alari ham topshirildi.
Ushbu tadbir mehr-oqibat, ehtirom va minnatdorchilik ruhi bilan yodda qoldi.
