O‘zLiDeP Surxondaryo viloyati Kengashi “Ayollar qanoti” tashabbusi bilan tashkil etilgan tadbirda partiyaning faol xotin-qizlari, deputatlar hamda universitet tarix fakulteti talaba- qizlari ishtirok etishdi. Tadbir davomida yoshlarning siyosiy faolligini oshirish, ularni ijtimoiy hayotda faol bo‘lishga undash borasida fikr-mulohazalar bildirildi.
Bu uchrashuv nafaqat talaba-qizlar uchun, balki jamiyatimiz hayotida faol bo‘lishni istagan barcha yoshlar uchun muhim ahamiyat kasb etadi. Samimiy muloqotlar talaba-qizlarning siyosiy ongi va huquqiy madaniyatini yuksaltirishga, ularni ijtimoiy jarayonlarda faol ishtirok etishga undashga, liderlik fazilatlarini shakllantirishga xizmat qilganligi bilan ahamiyatli bo‘ldi.
