Bugun viloyat hokimi U.Qosimov TerDUga qarashli qiymati 36,1 milliard so‘mlik, 9 qavatli, 800 o‘rinli yotoqxona qurilishi jarayoni bilan tanishdi. Viloyat rahbari mazkur obyektni belgilangan muddatda va yuqori sifatda topshirish muhimligini ta’kidladi.
Ma'lumot o‘rnida, TerDU kampusi qariyb 20 gektar maydonda joylashgan bo‘lib, unda:
10 ta o‘quv binosi;
7 ta talabalar turar joyi;
2 ta sport majmuasi;
o‘quv-amaliyot bazasi;
xalqaro talablarga mos stadion;
axborot resurs markazi mavjud.
Ushbu inshootlarning barchasi 4500 metr uzunlikdagi yo‘laklar orqali o‘zaro bog‘langan.
Rektor topshirig‘iga asosan, kampusdagi barcha yo‘laklarda bosqichma-bosqich g‘arb arxitekturasiga mos asrlar davomida saqlanib turadigan tabiiy granit toshlari yotqizilmoqda. Qurilish jarayonida imkoniyati cheklangan talabalarning ham xavfsiz va erkin harakatlanishi uchun zarur sharoitlar yaratish ko‘zda tutilgan.
Albatta bu kabi tashabbuslar TerDUni GreenMetric kabi xalqaro reytinglarda qayd etilishini ta’minlaydi.
