Yig‘ilishda yangi o‘quv yilini munosib kutib olish bo‘yicha amalga oshirilgan tayyorgarlik ishlari va ularning holati muhokama qilindi.
A. Toshqulov ta’kidlaganidek, universitet ostonasidan qadam qo‘ygan har bir talaba, avvalo, mehrimizni his etishi, mamlakat taraqqiyotida o‘zining muhim o‘rni borligini anglab yetishi lozim.
Shu maqsadda “Birinchi kurs maktabi”, “Talabalikka bag‘ishlov” tadbirlari hamda “Mustaqillik darslari”ni yuqori saviyada tashkil etish bo‘yicha mas’ullarga ko‘rsatma va topshiriqlar berildi.
Shuningdek, talabalarni turar joylarga joylashtirishda, avvalo, uzoq viloyatlardan kelib o‘qiyotgan, imkoniyati cheklangan, oilasi “Temir daftar” yoki “Ayollar daftari”da ro‘yxatda turgan hamda mehribonlik uyi tarbiyalanuvchilariga ustuvorlik berilishi zarurligi qayd etildi.
