Bugun TerDU rahbariyati Germaniyada joylashgan “EduMeer” xalqaro ta’lim platformasi hamda “Academeer” kompaniyasi asoschisi Abdul Karim Sadeqi boshchiligidagi delegatsiya bilan uchrashuv o‘tkazdi.
Uchrashuvda universitetning xalqaro nufuzini oshirish, xususan, “EduMeer” platformasi orqali xorijiy talabalarni jalb qilish, TerDU yoshlariga nufuzli xalqaro grantlar yutishda ko‘maklashish hamda ilmiy-akademik hamkorlikni kengaytirish masalalari muhokama qilindi.
Ma’lumot o‘rnida, “EduMeer.de” - oliygohlarni butun dunyodagi talabalar va hamkorlar bilan bog‘laydigan raqamli platforma hisoblanadi.
Uchrashuv yakunida amaliy hamkorlikni yo‘lga qo‘yish bo‘yicha kelishuvga erishildi.
