Unda prorektorlar, boshqarma boshliqlari, bo‘lim mudirlari hamda kun tartibiga daxldor mas’ullar ishtirok etdi.
Dastlab, rektorimiz joriy yilning 8-avgust kuni Prezident Shavkat Mirziyoyev raisligida oliygohlar bitiruvchilarini ishga joylashtirish masalalariga bag‘ishlangan yig‘ilish tafsilotlarini bayon etdilar.
Jarayonda davlatimiz rahbari tomonidan OTMlar oldiga qo‘yilgan vazifalar, belgilangan chora-tadbirlar yuzasidan ma’lumotlar berilib, ularni tizimli amalga oshirish bo‘yicha ko‘rsatma va tavsiyalar taqdim etildi.
Shuningdek, yig‘ilishda o‘quv ishlari bo‘yicha prorektor yangi o‘quv yiliga tayyorgarlik holati yuzasidan taqdimot qildi. Ma’lumotlarga ko‘ra, 2025–2026 o‘quv yilidan:
ta’lim yo‘nalishlarining 70 % TOP-300 talikka kirgan OTMlarning o‘quv dasturlari joriy etiladi;
10 ta ta’lim yo‘nalishi xalqaro akkreditatsiyaga tayyorlanadi;
28 ta kafedra filiallari korxona va tashkilotlarda tashkil etiladi;
xorijiy talabalar soni 2 000 nafarga yetkaziladi;
har bir fakultetda 1 tadan “smart” auditoriya tashkil etiladi;
TOP-1000 talik xorijiy OTMlardan 50 nafar professor-o‘qituvchilar jalb etiladi;
ma’ruza mashg‘ulotlari samaradorligini oshirish maqsadida 50 ta monitor, 10 ta zamonaviy doska, 25 ta e-minbar va 5 ta 3D printer xarid qilinadi.
Yig‘ilish yakunida rektorimiz belgilangan vazifalar ijrosini sifatli amalga oshirish bo‘yicha mas’ullarga tegishli topshiriqlar berdi.
