A. Toshqulov 2025/2026-o‘quv yiliga tayyorgarlik doirasida Termiz davlat universitetining "Saxovat" mahallasida joylashgan akademik litseyi, Tabiiy fanlar fakulteti hamda qiymati 36,1 milliard so‘mni tashkil etuvchi 9 qavatli, 800 o‘rinli yotoqxona qurilishi bilan tanishdi.
Yotoqxona hududida talabalar uchun qulay infratuzilmani yaratish masalalari mas’ullar ishtirokida muhokama qilindi. Shuningdek, akademik litsey direktorining o‘quv yili yakuniga bag‘ishlangan hisoboti doirasida bildirgan takliflari muhokama qilinib, ularning ijrosini ta’minlash bo‘yicha aniq vazifalar berildi.
Rektor Tabiiy fanlar fakulteti tomonidan ilgari surilgan o‘quv, ilmiy izlanish, tadqiqot ishlari hamda mahsulot ishlab chiqarishga doir tashabbuslarni qo‘llab-quvvatlashini bildirib, zarur sharoitlar yaratish bo‘yicha mutasaddilarga aniq topshiriqlar berdi.
Rektor: Professor-o‘qituvchilar va talabalarda mehnat ta’tilidan so‘ng ijobiy kayfiyat uyg‘otadigan, daxldorlik hissini kuchaytiradigan eng muhim omillardan biri – bu ta’mirdan chiqqan shinam auditoriyalar va zamonaviy o‘quv sharoitlaridir. Shu sababli boshqaruv apparati ishni favqulodda rejimda tashkil qilishi zarur.
Rektor kun tartibiga ko‘ra, ertangi kunda ham universitet kampusida yangi o‘quv yiliga tayyorgarlik holatlarini ko‘zdan kechirishni rejalashtirgan.
