Oliy ta’lim, fan va innovatsiyalar vazirining 254-sonli buyrug‘i asosida Surxondaryo viloyatiga biriktirilgan vazirlik boshqarma boshlig‘i B.Sobirov Termiz davlat universitetida bo‘ldi.
Tashrif doirasida, viloyatdagi oliy ta’lim muassasalarining birinchi prorektorlari, akademik litsey hamda texnikum direktorlari ishtirokida o‘quv seminari tashkil etildi. Seminarda “Dolzarb 90 kun” loyihasi tadbirlarini samarali tashkil etish yuzasidan aniq ko‘rsatmalar va tavsiyalar berildi.
Shuningdek, B.Sobirov universitetimizda loyiha doirasida amalga oshirilayotgan ishlar, maktab o'quvchilari uchun tashkil etilgan to‘garaklar faoliyati bilan yaqindan tanishdi.
TerDU jamoasi yozgi ta’til davrida talaba-yoshlarning bo‘sh vaqtlarini mazmunli va foydali tashkil etish, ularning salohiyatini yuzaga chiqarish yo‘lida faol ish olib bormoqda.
