TerDU rektori A.Toshqulov: “TerDU — faqat diplom emas, balki mustaqil fikr, mustahkam bilim va kelajakka ishonch deganidir!”
Termiz davlat universitetida navbatdagi mehnat yarmarkasi – "Karyera kuni" bo‘lib o‘tmoqda!
Prezidentimiz Sh.M. Mirziyoyev rahbarliklarida yoshlarni ta’lim, kasb va bandlik sohalarida qo‘llab-quvvatlashga qaratilayotgan e’tibor samarasi sifatida, bugungi tadbir yoshlar kelajagi uchun yangi imkoniyatlar eshigini ochmoqda.
2024/2025 o‘quv yili bitiruvchilaridan 4983 nafar yosh mutaxassis mehnat bozoriga kirish arafasida. Ulardan 28% allaqachon ish bilan ta’minlangan!
100 dan ortiq tashkilotlar, minglab bo‘sh ish o‘rinlari, to‘g‘ridan to‘g‘ri muloqot — bugungi yarmarkaning asosiy mazmuni!
Shunchaki yarmarka emas – bu ta’lim va ish beruvchi o‘rtasidagi hamkorlik ko‘prigidir. Bugun, shuningdek, maktab, litsey va kasb-hunar ta’limi bitiruvchilari uchun ochiq eshiklar kuni ham tashkil etildi. Universitetimizning barcha fakultet va yo‘nalishlari haqida to‘liq ma’lumot oling, to‘g‘ri tanlov qilishga shoshiling!
