Termiz davlat muhandislik va agrotexnologiyalar universitetida Oliy ta’lim, fan va innovatsiyalar vaziri o‘rinbosari Otabek Mahkamov ishtirokida yig‘ilish bo‘lib o‘tdi. Unda Surxondaryo viloyati hokimligi vakillari, viloyatdagi oliy ta’lim muassasalari rahbarlari, professor-o‘qituvchilar qatnashdi.
Yig‘ilish davomida tashkiliy masala ko‘rib chiqildi. Otabek Mahkamov Vazirlar Mahkamasining Rasul Nortojiyevich To‘rayevni Termiz davlat muhandislik va agrotexnologiyalar universiteti rektori lavozimiga tayinlash to‘g‘risidagi tegishli qarorini o‘qib eshittirdi. Shundan so‘ng tashkiliy masala yuzasida ishtirokchilarning fikr-mulohazalari tinglandi.
Yig‘ilishda hududlarning ijtimoiy-iqtisodiy rivojlanishida oliy ta’lim muassasalarining o‘rni va ishtirokini oshirish masalalari ham muhokama qilindi. Mas’ullar tomonidan ta’lim, ilm-fan va ishlab chiqarish integratsiyasini yo‘lga qo‘yish yuzasidan ko‘rsatmalar va tavsiyalar berildi.
