Termiz davlat universiteti rektorining buyrug‘iga asosan, bugundan boshlab magistratura bosqichini tamomlayotgan 24 ta mutaxassislik bo‘yicha jami 144 nafar magistrantning "Magistrlik dissertatsiyasi" himoyalari boshlandi.
Himoya jarayonlari uchun barcha zaruriy shart-sharoitlar yaratilgan.
Masalan, talabgorlarning yaqinlari himoya jarayonlarini onlayn tarzda bevosita kuzatish imkoniyatiga ega bo'lishdi.
Shuningdek, dissertatsiyalarni sifatli va xolis baholash maqsadida Respublikaning nufuzli ilmiy muassasalari, ishlab chiqarish va xizmat ko‘rsatish tashkilotlaridan Komissiya raislari jalb etilib, ularning shaxsan ishtiroki ta'minlangan.
Magistrlik dissertatsiyalarini himoya qilish jarayonlari 2025-yil 16-iyunga qadar davom etadi.
