Тermizda "Talabalar ligasi" sport musobaqasining gandbol bo‘yicha respublika bosqichi bahslari yakunlandi.
Jamoalar bir hafta davomida qizg‘in bahslarga kirishdilar.
Yigitlar o‘rtasidagi bellashuvlarda TerDU sportchi-talabalariga teng keladigani topilmadi.
E’tiborli jihati shundaki, talabalarimiz maydonga tushgan har bir uchrashuvda universitet mas’ullari ishtirok etib, jamoamizni qo‘llab-quvvatlab turishdi.
Albatta, natija ham g‘amxo‘rlik va e’tiborga yarasha bo‘ldi. Rektorimiz musobaqaning tantanali yopilish marosimida ayni jihatlarni yana bir bor ta’kidladilar.
Musobaqa natijalariga ko‘ra yigitlar o‘rtasida:
1-o‘rin – TerDU
2-o‘rin – O‘zDJTSU
3-o‘rin – FarDU jamoasiga nasib etdi.
Qizlar o‘rtasida:
1-o‘rin – UrDU
2-o‘rin – O‘zDJTSU
3-o‘rin – TerDPI jamoasiga nasib etdi.
50 nafarga yaqin murabbiy 500 nafardan ortiq talabalarni jamlagan ushbu musobaqa talaba-yoshlar uchun do‘stlashish, murabbiylar uchun esa mahorat almashish imkoniyatini yaratdi.
Barcha ishtirokchilar va g‘oliblarni samimiy muborakbod etamiz!
