Termiz davlat universitetining Milliy libos va san’at fakulteti professor-o‘qituvchilari hamda iqtidorli talaba-yoshlari tomonidan tashkil etilgan musiqiy kecha barcha ishtirokchilarga unutilmas madaniy hordiq ulashdi.
E’tiborga molik jihati shundaki, hisobot konsertiga nafaqat universitet professor-o‘qituvchilari va talabalar, balki ularning ota-onalari, ishchi-xodimlar hamda ustozlarning oila a’zolari ham taklif etildi.
Tadbir avvalida so‘zga chiqqan universitet rektori bu kabi ko‘ngilochar-ma’naviy tadbirlarning yosh avlod tarbiyasidagi, jamoa birligini mustahkamlashdagi o‘rni va ahamiyati haqida to‘xtalib, bunday tashabbuslarning davomiy bo‘lishini alohida ta’kidladi.
