TerDUda tashkil etilgan "Talabalar festivali" tadbiri doirasida "Rektor kubogi" musobaqasi va turli tanlovlar g‘oliblari munosib rag‘batlantirildi
Joriy yilning 25-mart sanasidan boshlab "Rektor kubogi" musobaqalariga start berilganidan xabaringiz bor. Oʻtgan davr mobaynida sportning 5 ta turi bo‘yicha qizg‘in va murosasiz bahslar bo‘lib o‘tdi. Bellashuvlarda yaxshi natija ko‘rsatgan faxrli oʻrin sohiblari va jamoalar pul mukofotlari bilan rag‘batlantirildi.
Shuningdek "Zakovat", "QVZ", "Osh chempionati", "Kitobxonlik" tanlovlari hamda "Janub qalqonlari" harbiy sport musobaqasi g‘oliblari ham munosib taqdirlandi. Tadbirda ishtirok etgan rektorimizning ko‘rsatmasiga asosan rag‘batlantiruvchi pul mukofotlarining miqdori ikki barobarga oshirildi. Ta’kidladiki sportchi-yu intellektual bilim sohiblarining moddiy va ma’naviy qo‘llab-quvvatlanishi ularning zimmasiga mas’uliyat yuklaydi, yurt taqdiriga nisbatan daxldorligini oshiradi. Ana shunday yoshlar esa davlatning eng katta boyligi.
Taqdirlash marosimi ko‘ngilochar konsert dasturiga ulanib ketdi. Bu kun ham talabalar hayotidagi esda qolarli sahifa bo‘lib qoldi.
